«БІРЫҢҒАЙ ӨРТ ҚАУІПСІЗДІГІ КҮНІ» республикалық акциясы

«Адал азамат» бағдарламасының іс-шаралар жоспарына сәйкес мектепке дейінгі ұйымдарда «Заң және тәртіп» идеологемасын ілгерілету мақсатында «Өрт қауіпсіздігінің бірыңғай күні» республикалық акциясы өткізілуде. Бүгін тәрбиеленушілерді өрт сөндіру қызметінің жұмысымен таныстыру және өрт қауіпсіздігінің негіздерін қалыптастыру мақсатында өрт сөндіру бөліміне экскурсия ұйымдастырылды.

Экскурсия барысында балалар өрт сөндіруші мамандығымен танысып, төтенше жағдайлар кезіндегі мінез-құлық ережелері туралы, сондай-ақ тұрмыста қауіпсіздік шараларын сақтаудың маңыздылығы жөнінде білді. Өрт сөндіру бөлімінің қызметкерлері арнайы техникаларды, құрал-жабдықтар мен қорғаныс киімдерін көрсетіп, олардың қызметі туралы жан-жақты түсіндіріп, балалардың сұрақтарына жауап берді.

Өткізілген экскурсия тәрбиеленушілердің дүниетанымын кеңейтуге, танымдық қызығушылығын дамытуға және қоғам қауіпсіздігін қамтамасыз ететін мамандардың еңбегіне құрметпен қарауға тәрбиелеуге ықпал етті. Іс-шара танымдық әрі достық атмосферада өтіп, балаларға жарқын жағымды әсер қалдырды.